The following letter (in Icelandic) was sent to all of our parntners in Iceland.

In brief, the contents of the letter states that Wise and HBI have now entered into an agreement where Wise becomes HBI’s business partner in Iceland, and takes over support and services to all of HBI’s Icelandic customers.

For now, HBI will continue to support our international customers directly. In the long run, HBI will be looking to partner with strong partners in various regions, and where applicable these partners will take over first and second level support, while HBI will continue to provide third level support.

AUKIÐ SAMSTARF HUGBÚNAÐAR HF. OG WISE EHF (áður Maritech).

Það er með mikilli ánægju að við kynnum nánara samstarf Hugbúnaðar hf. og Wise ehf. Félögin hafa deilt saman skrifstofu í Borgartúni 26 í rúmt ár og nú hefur sú samvinna aukist enn frekar þar sem Wise hefur tekið yfir sölu- og þjónustu verslunarkerfisins Centara á Íslandi.

Wise hlaut nýlega verðlaunin “Samstarfsaðili ársins 2014” hjá Microsoft á Íslandi og var valið í 4. sæti í flokki stærri fyrirtækja sem fyrirmyndar fyrirtæki ársins 2014 hjá VR. Það er því ljóst að mikill styrkur er í umræddu samstarfi og aukið þjónustustig fyrir notendur Centara.

Hluti af ferlinu er að Wise mun yfirtaka alla viðskiptasamninga Hugbúnaðar á Íslandi og tekur við reikningagerð frá og með 31. ágúst nk. Núverandi starfsmenn þjónustudeildar Hugbúnaðar munu færast yfir til Wise. Notendur Centara geta haft samband við þjónustuborð Wise í síma 545-3232, en fyrst um sinn einnig í eldra þjónustunúmer Hugbúnaðar, 591-8700 eða sent tölvupóst á support@hbi.is.

Hugbúnaður sem fagnar 30 ára afmæli félagsins í ár mun einbeita sér að þróun Centara og að styðja við þjónustusvið Wise.

Með tilkomu Wise eiga notendur Centara að upplifa hærra þjónustustig og meiri athygli.

Á liðnu einu og hálfu ári hefur verið lögð gríðarlega mikil vinna í uppfærslur á Centara með það að markmiði að auka gæði og bæta virkni. Samstarfið við Wise er einmitt liður í þeirri endurskipulagningu ásamt áherslu um vöxt á erlendum mörkuðum og betri þjónustu við núverandi viðskiptavini.

Með kveðju,

Gunnar Björn Gunnarsson
Framkvæmdastjóri, Hugbúnaður hf.